ЦХИНВАЛ, 12 ноя — Sputnik, Плиты Фатимæ. Дзауы районы самбойы скъолайы хъомылгæнинæгтæй дыууæйæ ссисты нæлгоймæгты ʻхсæн Цæгат Ирыстоны чемпионат призертæ, фехъусын кодта Sputnik спортсменты тренер Беджызаты Гия.
Ерыстæ нывонд уыдысты самбойы равзæрдыл 80 азы сæххæстæн.
"Цæгат Ирыстоны чемпионат ацыд Беслæны, стох дзы кодтой бынæттон спортсментæй дарддæр Кæсæг-Балхъары æмæ Хуссар Ирыстоны самбисттæ. Дыууæйæ систы призертæ – Козаты Георгий расгуыхт 52 кг уæзы æмæ Беджызаты Арсен та 62 кг уæзы. Тынг хорз равдыстой сæхи нæ фæсивæд — фæйнæ æртæ тохы рамбылдтой. Мах акодтам æрыгон лæппуты, уым та архайдта хистæр кары нæлгоймæгтæ", — загъта тренер.
Фæссивæд цæттæ кæнынц Дзауы районы Сиукъаты Темойы номыл самбойы скъолайы тренертæ Коцты Тамерлан æмæ Беджызаты Гияйы къухдариуæгады бын.
Ерыстæ цыдысты 9-10 ноябрьты. Мадзал бацæттæ кодта Цæгат Ирыстоны спорты министрад, уæлахиздзауты рабæрæг кодтой 9 уæзы категорийы. Турниры хатдзæгтæм гæсгæ фидар цыд республикæйы æмбырдгонд ЦКФЗ ерыстæм.
