ЦХИНВАЛ, 13 ноя — Sputnik, Плиты Фатимæ. Дзауы районы цæрæн-коммуналон хæдзарады кусджытæ архайынц Гуфтайы хъæумæ дон бауадзыныл æмæ Моргойы хъæумæ та сцалцæг кæнын хид, дыууæ арæзтадон фæзуаты дæр куыстытæ балхынцъ уыдзысты æввахс рæстæджыты, фехъусын кодтой Sputnik районы пресс-службæйы.
"Районы разамынадмæ бахатыдысты Гуфтайы хъæуы цæрджытæ. Ныридæгæн доны хахх уагъд цæуы ацы хъæуы цы 14 хæдзар ис, уыдонмæ, æввахс бонты хъуамæ куыстытæ балхынцъ кæной", — хъусын кæны пресс-службæ районы цæрæн-коммуналон хæдзарады хистæр Цхуырбаты Тамерланы ныхæстæ.
Уым ма банысан кодтой, куыстытæ кæй цæуынц Моргомæ хид сцалцæг кæныныл дæр.
"Ацы хид кæны æртæ цæрæн пунктмæ — Морго, Жрия æмæ Къуылыхты хъæумæ æмæ йыл æдæрсгæйæ автотранспортæн ацæуæн нæ уыд. Ам дæр хъуамæ æввахс бонты фæуой цалцæггæнæн куыстытæ", — бафтыдтой пресс-службæйы.
