Цырт, чиныг æмæ райгуырæн къæс: Цхинвалы фæуд кæны Нафийы ингæны хæрзарæзтад

© Из личного архива А.БекоевЦхинвалы фæуд кæны Нафийы цырты арæзтад
Цхинвалы фæуд кæны Нафийы цырты арæзтад - Sputnik Хуссар Ирыстон
Бафыссын
НовостиTelegram
Национ пантеонæй Цхинвалы ныгуылæн къуылдымæй Нафи фæлгæсдзæн йæ уарзон горæтмæ, йæ фарсмæ гом чиныджы иу сыфы уыдзæн æмдзæвгæйы рæнхъытæ, аннæ фарс та йæ райгуырæн къӕс

ЦХИНВАЛ, 14 ноя — Sputnik, Плиты Фатимæ. Азы кæронмæ Хуссар Ирыстоны Националон пантеоны зынгӕ ахуыргонд ӕмӕ фыссӕг Джусойты Нафийы ингæн арæзт æрцæудзæн æмбæлон уагыл, ныридæгæн цæттæ у ахуыргонды цырт æлыгæй кондæй, хæрзарæзт цæуы йæ ингæны риу, фехъусын кодта Sputnik скульптурæйы автор, Хуссар Ирыстоны сгуыхт нывгӕнӕг Бекъойты Алан.

Джусойты Нафийы цырт саразыны фӕдыл ацы аз расидтæуыд сӕрмагонд конкурс, архайдтой дзы Цæгат æмæ Хуссар Ирыстоны нывгæнджытæ. Йӕ хатдзӕгтӕм гӕсгӕ се ʻхсӕн хуыздӕрыл банымадтой Бекъойты Аланы куыст. Проектмӕ гӕсгӕ, мемориал бацахсдзæн 17 квадратон метры тыгъдад.

© Из личного архива А.БекоевЦхинвалы ныгуылæн къуылдымæй Нафи фæлгæсдзæн йæ уарзон горæтмæ
Памятник Нафи Джусойты - Sputnik Хуссар Ирыстон
Цхинвалы ныгуылæн къуылдымæй Нафи фæлгæсдзæн йæ уарзон горæтмæ

"Джусойты Нафийæн цырт хъуамæ сцæттæ уыдаид йæ афæдзы бонмæ, фæлæ фæфæстæ ис. Президентимæ ныхасы дзырд радтам, азы кæронмæ цырт арæзт кæй хъуамæ æрцæуа. Эскизмæ гæсгæ мемориалы Нафийы цырты фæсчъылдым лæудзæн 2,5 метры бæрзæндæн гом чиныг поэтæн йæхи æмдзæвгæйы рæнхъытимæ иу фарсыл, аннæ ʻрдыгæй та цы хæдзары райгуырд æмæ йæ сабибонтæ арвыста, уый", — загъта Бекъойты Алан.

Ныридæгæн гениалон ахуыргонд æмæ поэтæн йæ цырты æлыгæй конд скульптурæ у арæзт.

"Дзæуджыхъæуæй æрцыдысты, формæтæ райстой скульптурæйæ æмæ дзы скодтой гипсæй модель джиппыуадзынæн. Мæйы бæрц бахъæудзæн уыцы куыстытæн, иу къуырийы размæ райдыдтой архайын. Хъуамæ декабры Нафийы цырт уа бронзæйæ арæзт. Йæ фæсчъылдымы дур дæр ныридæгæн æрластой", — бафтыдта проекты автор.

Проекты аргъ æд хæрзарæзтад у 3, 5 милуан сом.

Хуссар Ирыстоны 2017 азы июны сарӕзтӕуыд Националон пантеон.

Похороны Нафи Джусойты - Sputnik Хуссар Ирыстон
Цахӕм хъуамӕ уа Хуссар Иры Националон пантеон

Президенты указы нысангонд уыд, "пантеон арӕзт кӕй цӕуы, цӕмӕй ӕнусты баззайа республикӕйы сгуыхт политикон ӕмӕ ӕхсӕнадон архайджыты ном, афтӕ ма ӕндӕр ӕмбӕстӕгты дӕр, кӕцытӕн ис егъау хайбавӕрд зонад, культурӕ ӕмӕ аивады".

Уæд барамынд бафыссынӕй цалдӕр бон раздӕр Дзӕуджыхъӕуы йӕ цардӕй ахицӕн ирон интеллигенцийы ирд минӕвар, зынгӕ ахуыргонд ӕмӕ фыссӕг Джусойты Нафи. Фыццаг Националон пантеоны бавӕрдтой Джусойты Нафийы. Фӕстӕдӕр нывӕндысты æрласын ардӕм йе 'фсымӕры дӕр – фыссӕг Хаджеты Таймуразы, кӕцы ныгӕд у Цӕгат Ирыстоны Ногиры хъӕуы. Фӕлӕ уый нӕ сӕххӕст ис.

Пантеон, кӕцы хауы паддзахадон историко-культурон объекттӕм, ис Цхинвалы ныгуылӕны кӕроны, Тъбеты хъӕумӕ фӕндаджы рахиз фарс. Раздæр ацы бынаты фæнд кодтой саразын Фыдыбӕстӕйы хъахъхъӕнджыты мысӕнӕн мемориал.

Ног хабӕртты лентӕ
0