ЦХИНВАЛ, 15 ноя — Sputnik. Президент Бибылты Анатолий хайад райсдзӕн Уӕрӕсе ӕмӕ Хуссар Ирыстоны ӕхсӕн социалон-экономикон ӕмгуыстады фӕдыл Ӕхсӕнхицауадон къамисы рабадты, кӕцы ацӕудзӕн Мӕскуыйы цыппӕрӕмы, 15 ноябры. Уый тыххӕй хъусын кӕны республикӕйы сӕргълӕууӕджы пресс-службӕ.
"Мадзалы фӕлгӕтты фембӕлдзысты къамисы Уӕрӕсейаг ӕмӕ Хуссарирыстойнаг фарсыты къухдариуӕгад ӕмӕ хайадисджытӕ, ацӕудзӕн пленарон рабадт ӕмӕ ӕхсӕнхицауадон къамисы XIX протоколы бафыст", — дзырдӕуы хъусинаджы.
Рабадты хайадисджытӕ ӕрдзурдзысты Хуссар Ирыстоны социалон-экономикон Инвестицион программӕты реализацийыл, 2020-2022 ӕзты Инвестпрограммӕйы арӕзтадыл, афтӕ ма РХИ ӕмӕ УФ ӕхсӕн ӕмгуыстады ӕндӕр фарстытыл.
