ЦХИНВАЛ, 16 ноя — Sputnik. Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ратдзæн дыууæ концерты Сочийы горæты бон банысан кæныны мадзæлтты фæлгæтты. Ирон аивадимæ сочийæгтæ базонгæ уыдзысты 24-25 ноябры, фехъусын кодта Sputnik "Симд"-ы сæйраг администратор Гаглойты Кристина.
Культурон нывæзт æххæст цæуы Уæрæсе æмæ Хуссар Ирыстоны ʻхсæн баивдон мадзæлтты фæлгæтты.
"Хуссар Иры кафт æмæ зарды паддзахадон ансамбль "Симд" гастрольты рæстæджы ратдзæн дыууæ концерты гом фæзуатты – Горæт Сочийы администрацийы раз фæзуаты æмæ Сочийы наулæууæнмæ хæстæг фæзуаты", — загъта Гаглойты Кристина.
Уый ма радзырдта, зæгъгæ, ансамбль куыддæр æрыздæха фæсарæйнаг гастрольтæй, афтæ та ратдзæн концерт Цхинвалы дæр.
Хуссар Ирыстоны делегаци ацæудзæн Сочимæ 30 адæймаджы скондæй.
