ЦХИНВАЛ, 16 ноя — Sputnik. Дзӕуджыхъӕуы ӕрцыд зынгсирвӕзт хӕдтулгӕты базар "Викалина"-йы, арт аххӕссыд 150 квадратон метр фӕзуатыл, хъусын кӕны 15 Регион Цӕгат Ирыстоны Уӕлвӕткон уавӕрты министрады (УУМ) ныхӕстӕ.
"Абон 7.42 сахатыл нӕм бацыд хъусинаг, Дзӕуджыхъӕуы хӕдтулгӕты базар "Викалина"-йы кӕй ӕрцыд зынгсирвӕзт. Зынгфӕдисонтӕ цауы бынатмӕ куы ӕрбацыдысты, уӕд сбӕрӕг кодтой, кӕй судзы контейнер, цы ран ӕвӕрд вӕййынц фӕстауӕрцон хӕйттӕ", — радзырдтой уагдоны.
УУМ пресс-службӕйы банысан кодтой, зӕгъгӕ, цауы фӕстиуӕгӕн зианбаййафджытӕ нӕй. Зынгсирвӕзты аххосӕгтӕ нырма бӕрӕг кӕнынц.
