ЦХИНВАЛ, 21 ноя — Sputnik, Плиты Фатимæ. Хуссар Ирыстоны Знауыры районы Цъорбисы хъæуы самайдзысты культурон-хиирхæфсæн центры бæстыхай. Агъуыстæн ныридæгæн æвæрд æрцыд бындур, фехъусын кодта районы администрацийы хистæр Гæбæраты Инал.
Хъæуы культурæйы хæдзар æрцыд æдзæллаг уавæрмæ æмæ йæ куыст ныннымæг.
"Цъорбисы клубы бæстыхай хъавыдыстæм сцалцæг кæнын. Фæлæ специалисттæ куы бацыдысты, уæд сбæлвырд кодтой, бæстыхайæн сæндидзын кæныны фадат кæй нал ис æмæ йæ бахъуыд ныппырх кæнын. Нывæзтмæ гæсгæ ам 2018-2019 æзты фæзындзæн ног клубы бæстыхай. Ацы аз бындур ныккалдтам, æрбалæугæ азы йæ фæуыдзыстæм", — загъта Гæбæраты Инал.
Знауыры районы 2018 азы æнтыстытыл æмæ проблемæтыл æрдзырдта районы администрацийы хистæр йæ хыгъдон пресс-конференцийы мыхуыр æмæ информацийы комитеты.
