Хуссар Иры уыдзысты дӕргъвӕтин улӕфт бонтӕ

© Sputnik / Наталья АйриянРХИ хицауад
РХИ хицауад - Sputnik Хуссар Ирыстон
Бафыссын
Yandex newsTelegram
Бюджетон фадыджы кусджытӕ улӕфдзысты ӕртӕ боны: майрӕмбон, сабат ӕмӕ хуыцаубоны

ЦХИНВАЛ, 22 ноя — Sputnik. Хуссар Ирыстоны майрӕмбон уыдзӕн улӕфт бон Хъӕбатырдзинад ӕмӕ адӕмы иудзинады бӕрӕгбоны цытӕн, уый фӕдыл ацы къуыри республикӕйы улӕфдзысты ӕртӕ бон фӕд-фӕдыл, фехъусын кодтой РХИ президент ӕмӕ хицауады пресс-службӕйы.

Спектакль Дугивæнтæ - Sputnik Хуссар Ирыстон
90-æм æзтæ сценæйыл: скъоладзаутæ равдыстой Хуссар Иры Фыдыбæстон хæстыл спектакль

"Хуссар Ирыстоны Хъӕбатырдзинад ӕмӕ адӕмы иудзинады бӕрӕгбоны цытӕн, афтӕ ма бӕрӕгбонон ӕмӕ мысӕн бонты къӕлиндармӕ гӕсгӕ, майрӕмбон, 23 ноябрь, уыдзӕн улӕфт бон", — банысан кодтой пресс-службӕйы.

Афтӕмӕй, бюджетон фадыджы кусджытӕ улӕфдзысты ӕртӕ боны: майрӕмбон, сабат ӕмӕ хуыцаубон (23, 24 ӕмӕ 25 ноябрь).

Хуссар Ирыстоны 23 ноябры нысан кӕнынц Хъӕбатырдзинад ӕмӕ адӕмон иудзинады бон. 1989 азы ацы бон республикӕйы цӕрджытӕ ныхмӕ фӕлӕууыдысты гуырдзиаг националисттӕн, кӕцытӕ фӕнд кодтой бацахсын Цхинвал. Датӕ нымайынц Хуссар Ирыстоны сӕрибардзинадыл тохы райдайӕныл ӕмӕ йӕ бахастой бӕрӕгбонон ӕмӕ мысӕн бонты къӕлиндармӕ.

Ног хабӕртты лентӕ
0