Йæ цардæй ахицæн номдзыд ирон богал Андиаты Сослан

© Sputnik / Моргулис /  Ахизын медиабанкмæАндиаты Сослан
Андиаты Сослан - Sputnik Хуссар Ирыстон
Рафыссын
Дыууæ хатты олимпиаг чемпион амард 66 азы кары

ЦХИНВАЛ, 22 ноя — Sputnik. Мæскуыйы Ворохобовы номыл горæты клиникон рынчындоны йæ цардæй ахицæн фыццаг ирон Олимпиаг чемпион Андиаты Сослан, хъусын кæны Цæгат Ирыстоны Спорты министрады пресс-службæ.

"Амард 66-аздзыдæй дыууæ хатты олимпаг чемпион уæгъдибар хъæбысхæстæй, Цæгат Ирыстоны парламенты депутат Андиаты Петры фырт Сослан", — дзырдæуы хъусинаджы.

Андиаты Петры фырт Сослан райгуырд 21 апрелы 1952 азы Дзæуджыхъæуы. Чысылæй фæстæмæ архайдта хъæбысхæсты секцийы. Ацы фадыджы уымæн бантыст дыууæ хатты рамбулын олимпиаг хъæзтытæ, цыппар хатты ссис дунейы уæлахиздзау, у Европæйы æртæ хатты чемпион.

Номдзыд спортсмены амæлæты фæдыл тæфæрфæсы ныхæстæ загътой зынгæ политикон æмæ æхсæнадон архайджытæ, афтæ ма ирыстойнаг спортсментæ.

1987 азы райста сгуыхт тренеры ном, 1991 азы та — физикон культурæйы сгуыхт кусæджы ном. Уыд Цæгат Ирыстоны фæндзæм æмæ æхсæзæм æрсидты депутат.

Ног хабӕртты лентӕ
0