ЦХИНВАЛ, 28 ноя — Sputnik, Гӕбӕраты Ян. Бырондон, кӕцы фӕзынд Мӕскуыйаг микрорайоны цур Хуссар Ирыстоны столицӕйы, хъыгдары горӕты цӕрджыты ӕмӕ халы горӕты санитарон уавӕр, фехъусын кодта РХИ Паддзахадон мыхуыр ӕмӕ информацийы комитеты пресс-конференцийы республикӕйы арӕзтады министрады сӕргълӕууӕг Зӕгъойты Эдуард.
"Президент Бибылты Анатолийы хъӕппӕрисмӕ гӕсгӕ фӕзынд хъуыды саразын цардуагон хъӕбӕр ӕвзарӕнты полигон", — радзырдта Зӕгъойты Эдуард.
Фидӕны проект эксплуатаци кӕндзӕн горӕты администраци. Министр банысан кодта, зӕгъгӕ, полигон у сӕрмагонд мембранӕйӕ ӕмбӕрзт раст формӕйы котлован, кӕцы нӕ уадзы бырон зӕхцъары дӕттӕм.
"Полигоны цур фӕзындзӕн хъӕбӕр ӕвзарӕнты брикет кӕныны фӕзуат. Хъӕбӕр ӕвзарӕнтӕ ӕлхъывд цӕудзысты сӕрмагонд прессы хицӕн брикеттӕм", — бафтыдта Зӕгъойты Эдуард.
Брикетты ӕнгомдзинад сэкономи кӕндзӕн бынат ӕмӕ атмосферӕ дӕр нал чъизи кӕндзӕн.
"Хуымӕтӕг быгъдон нал уыдзӕн, Европӕ ӕмӕ Уӕрӕсейы цардуагон ӕвзарӕнты 80% ӕвӕрд цӕуы ахӕм полигонты", — бахахх кодта арӕзтады министрады сӕргълӕууӕг.
