ЦХИНВАЛ, 7 дек — Sputnik, Плиты Фатимæ. Хуссар Ирыстоны фæсивæдон политикæ, спорт æмæ туризмы комитеты хъæппæрисæй æмæ Sputnik Хуссар Ирыстоны æххуысæй Цхинвалы равзардзысты "Афæдзы адæймаджы".
Хуссар Иры иууыл аккагдæр гоймæгты номхыгъд хъæлæсæппæрсты æмæ уагдæтты хатдзæгтæм гæсгæ фæбæрæг уыдзæн азы кæрон. Хорзæх кæныны цытджын церемони ацæудзæн 26 декабры ПККЗ "Чермен"-ы.
"Конкурсы ис 20 номинацийы бæрц – æвзæрст цæуынц азы ахуыргæнæг, журналист, юрист, тренер, дипломат æмæ æндæртæ. Алы фадгуыты дæр азы хъайтарты равзардзысты уагдæттæ сæхæдæг. Сæйраг преми — "Афæдзы æвзонг адæймаг" фæбæрæг уыдзæн онлайн хъæлæсæппæрсты руаджы", — загъта комитеты кусæг Игорь Пахомов.
Хуссар Иры бирæ æзтæ дæргъы уагъд нал цыд ахæм конкурстæ, ивгъуыд æнусы 90-æм æзты æнгæс мадзалы азы адæймагыл нымад æрцыд Джиоты Алан (Парпат).
