ЦХИНВАЛ, 10 дек — Sputnik. Хуссар Ирыстоны минӕварады раздӕры сӕргълӕууӕг Днестргӕроны Сергей Сурагойы схорзӕхджын кодтой майданӕй "Хуссар Ирыстоны Фыдыбӕстон хӕсты адӕмы уӕлахизыл 10 азы сӕххӕсты цытӕн". Ахӕм барамынд бафыста республикӕйы президент Бибылты Анатолий, хъусын кӕны паддзахады сӕргълӕууӕджы прес-службӕ.
Хуссар Ирыстоны официалон минӕварад Днестргӕроны байгом ис 2007 азы. Сергей Сураго уыд минӕварады сӕргълӕууӕг дӕс азы дӕргъы, 2017 азмӕ.
"Республикӕ Хуссар Ирыстон ӕмӕ Днестргӕроны адӕмы хӕларадон ахастыты райрӕзтмӕ стыр хайбавӕрды тыххӕй ӕмӕ йӕ 60 азы юбилейы тыххӕй", — дзырдӕуы указы.
Афтӕ ма президенты указмӕ гӕсгӕ кадджын ном "Республикӕ Хуссар Ирыстоны хъӕууон хӕдзарады сгуыхт кусӕг" райста Шавердаты Виктор.
