ЦХИНВАЛ, 12 дек — Sputnik, Козаты Диана. Транскавказон автомагистралы уӕзласӕн автотранспорты скъӕрыныл нырма дӕр ӕвӕрд у тобӕ, фехъусын кодтой Хуссар Ирыстоны Уӕлвӕткон уавӕрты министрады радгӕсон хайады.
Транскам сӕхгӕдтой дыццӕджы 19.45 сахатӕй фӕстӕмӕ стыр миты тыххӕй.
"Транскамы хуссар фарсыл нырма дӕр нӕ уадзынц скъӕрын уӕзласӕн хӕдтулгӕты. Уым уары мит, фӕлӕ уӕддӕр фӕндагон службӕтӕ кусынц трассӕ ссыгъдӕг кӕныныл", — загътой УУМ.
Уагдоны сӕ бон зӕгъын нӕу, Транскамы уылты змӕлд кӕд скусдзӕн хуымӕтӕг режимы. Ручы туннелы цӕгаттаг фарс автотранспортӕн арӕнӕвӕрдтӕ нӕй.
Ӕвзӕр боныгъӕд нӕ бандавта республикӕйы районтӕм фӕндӕгтыл.
