Хуссар Ир баззад ӕнӕ рухсӕй

© Sputnik / Артем Креминский /  Ахизын медиабанкмæХуссар Ир баззад ӕнӕ рухсӕй
Хуссар Ир баззад ӕнӕ рухсӕй - Sputnik Хуссар Ирыстон
Рафыссын
Транскомы уылты автотранспортыл тобӕ сӕвӕрыны фӕстӕ республикӕйы рухс дӕр ахицӕн ис

ЦХИНВАЛ, 12 дек —  Sputnik, Козаты Диана. Хуссар Ирыстон ӕртыццӕджы баззад ӕнӕ рухсӕй цӕгатирыстойнаг электрондыхы хаххыл аварийы тыххӕй, загъта Паддзахадон унитарон куыстуат "Энергоресурс"-ы генералон директор Гӕбӕраты Алан.

Республикӕйы рухс ахицӕн кодтой 14.00 сахатыл.

"Цӕгатирыстойнаг фарсыл ӕрцыд авари. Йӕ аххосӕгтӕ нырма бӕрӕг не сты, нӕ коллегӕтӕ алцыдӕр аразынц, цӕмӕй аиуварс кӕной авари", - загъта Гӕбӕраты Алан.

Йӕ ныхӕстӕм гӕсгӕ, нырма бӕрӕг нӕу, кӕд ратдзысты электроэнерги.

Хуссар Ирыстонмӕ электроэнерги цӕуы Уӕрӕсейӕ 110 КВт электрондыхы хахх "Зӕрӕмӕг-Цӕгаттаг портал-Дзау"-ыл.

Афтӕ ма ӕртыццӕджы республикӕйы УУМ сӕхгӕдта автотранспорты змӕлд Транскамы уылты тыхджын митуарды тыххӕй.

Ног хабӕртты лентӕ
0