ЦХИНВАЛ, 18 дек — Sputnik, Козаты Диана. Хуссар Ирыстоны хицауады уӕнгтӕ ӕркастысты ӕмӕ хорзыл банымадтой 2019 азмӕ паддзахадон бюджеты законы проект, хъусын кӕны хицауады пресс-службӕ.
Сӕйраг финансон документмӕ гӕсгӕ, бюджеты ӕфтиаг хай фидӕн аз уыдзӕн 8,7 миллиард сомы.
"Уыцы суммӕйӕ 82,5 проценты сты Уӕрӕсейы финансон ӕххуыс, афтӕ ма 2,7 миллиард сомы, кӕцытӕ рахицӕн кодтой 2019 азы инвестицион программӕйы реализацийӕн", — дзырдӕуы хъусинаджы.
Бюджеты хъалонон ӕмӕ ӕнӕхъалонон ӕфтиӕгтӕ уыдзысты 1,2 миллиард сомы, иумӕйаг ӕфтиагӕй 13, 8 проценты.
