Фыдракӕндтӕ, мыздтӕ ӕмӕ дисциплинӕ: МХМ сӕргълӕууӕг хатдзӕгтӕ скодта азӕн

© Sputnik / Наталья АйриянНаниты Игорь
Наниты Игорь - Sputnik Хуссар Ирыстон
Рафыссын
Наниты Игоры ныхӕстӕм гӕсгӕ, уагдон 2018 азы фенын кодта хорз фӕстиуджытӕ алы здӕхты дӕр

ЦХИНВАЛ, 24 дек — Sputnik. Хуссар Ирыстоны 2018 азы фӕкъаддӕр ис фыдракӕндты нымӕц, загъта республикӕйы Мидхъуыддӕгты министрады сӕргълӕууӕг Наниты Игорь.

Министр хатдзӕгтӕ скодта оперативон-службӕйон архайды развӕлгъау фӕстиуджытӕн, хъусын кӕны уагдоны пресс-службӕ.

Профилактикӕ ӕмӕ рагфӕдзӕхст

"2018 азы республикӕйы территорийы сбӕрӕг кодтой 21 фыдракӕнды къаддӕр фарон азмӕ абаргӕйӕ. Уӕззау фыдракӕндтӕ сбӕрӕг кодтой 14 къаддӕр", — хъусын кӕны Наниты Игоры ныхӕстӕ йӕ пресс-службӕ.

 Хуссар Иры МХМ радзырдтой ивгъуыд къуырийы фӕткхӕлдты тыххӕй - Sputnik Хуссар Ирыстон
ФТЦ ӕмӕ нозтджын шофыртӕ: Хуссар Иры МХМ радзырдтой ивгъуыд къуырийы фӕткхӕлдты тыххӕй

Министры ныхӕстӕм гӕсгӕ, фыдракӕндты фӕкъаддӕр баст у милицийы куыстыл, уыдон сӕйраг хъусдард здӕхынц фыдракӕндты профилактикӕ ӕмӕ рагфӕдзӕхстмӕ.

МХМ архайды сӕйраг здӕхттӕй иу Наниты Игорь банымадта хӕцӕнгарз ӕмӕ наркотикон буарадты ӕнӕзаконон ӕрзылдимӕ тох.

"Ацы здӕхты криминалон милици равдыста хорз фӕстиуджытӕ", — банысан кодта министр.

Ӕхсӕнады хъахъхъӕнынад ӕмӕ службӕйон дисциплинӕ

Наниты Игорь банысан кодта, ивгъуыд аз Хуссар Ирыстон кӕй банысан кодта бирӕ ахсджиаг цаутӕ, кӕцыты рӕстӕджы милицийы кусджытӕ ӕххӕст кодтой ӕдасдзинад.

Министр бахахх кодта, иумӕйаг куысты фӕрцы кӕй не рцыд фӕткхӕлдтӕ.

"Афтӕ ма МХМ системӕйы куыстой закондзинад ӕмӕ барадон фӕтк сфидар кӕныныл. Хайадты разамонджыты хъусдард здӕхт уыд кусджыты службӕйон дисциплинӕмӕ", — загъта министр.

МХМ сӕргълӕууӕг радзырдта мидхъуыддӕгты органты оптимизацийы тыххӕй, кӕцыйы дыууӕ этап ацыдысты 2017-2018 ӕзты. Ацы мадзӕлтты фӕстиуӕгӕн уагдоны кусджытӕн фӕфылдӕр кодтой сӕ мызд. Йӕ ныхӕстӕм гӕсгӕ, фӕуд кӕны оптимизацийы ӕртыккаг этап дӕр.

Къухдариуӕгады ӕнцой

"Ахӕм фӕстиуджытӕ равдыстам президент Бибылты Анатолийы ӕххуысы руаджы. Финансон ӕххуыс бакодтам амӕттаг кусджыты 45 бинонтӕн. Ног азы райдайӕны ма баххуыс кӕндзыстӕм ноджы 12 бинонтӕн", — радзырдта Наниты Игорь.

Министр банысан кодта, президент кӕй ӕххӕст кӕны финансон ӕххуыс МХМ кусджытӕн, кӕцыты бинонты хъӕуы экстренон медицинон ӕххуыс Уӕрӕсе ӕмӕ фӕсарӕнты.

ИКЦ, "Ирбис", ног транспорт

Ног азы райдайӕны кусын райдыдта республикӕйы МХМ цур Паддзахадон унитарон куыстуат "Ирбис". Йӕ кусджытӕ хъахъхъӕнынц 30 социалон-ахсджиаг объекты.

Хуссар Ир æмæ Уæрæсейы МХМ информацион-координацион центр æрбакодтой Цхинвалы - Sputnik Хуссар Ирыстон
Хуссар Ир æмæ Уæрæсейы МХМ информацион-координацион центр бакодтой Цхинвалы

Афтӕ ма ацы аз райдыдтой цалцӕг кӕнын Хуссар Ирыстоны ӕмӕ Уӕрӕсейы мидхъуыддӕгты органты иумӕйаг информацион-координацион центры агъуыстты комплекс.

"Цъус рӕстӕгмӕ эксплуатацимӕ радтой ӕртӕ агъуысты. 18 декабры, баконды бӕрӕгбонон церемонийы фӕстӕ, центры кусджытӕ райдыдтой ӕххӕст кӕнын сӕ службӕйон хӕстӕ комфортон уавӕрты", — загъта Наниты Игорь.

Афтӕ ма министр радзырдта, уагдоны автопарк ацы аз дыууӕ хатт кӕй фӕфылдӕр службӕйон автотранспортӕй, уый фӕхуыздӕр кодта милицийы оперативон-службӕйон архайд.

Наниты Игорь бахахх кодта, милицийы куысты кӕй ис гъӕдджын ивындзинӕдтӕ, фӕлӕ ма дзы ис фиппаинӕгтӕ дӕр, кӕцытыл хъӕуы бакусын.

Ног хабӕртты лентӕ
0