ЦХИНВАЛ, 26 дек — Sputnik. Цӕгатирыстойнаг архитектор Калоты Виталийӕн, кӕцы фесӕфта йӕ бинойнаг ӕмӕ сывӕллӕты авиакатастрофӕйы Бодены цады сӕрмӕ, райгуырд фаззӕттӕ.
Калоты Виталийы бинойнаг — Ирина — ныййардта лӕппу ӕмӕ чызджы Дзӕуджыхъӕуы гуырӕн хӕдзӕрттӕй иуы 25 декабры.
"Мад ӕмӕ сывӕллӕттӕ сӕхи хатынц хорз. Лӕппу ӕмӕ чызгыл нырма нӕмттӕ нӕ сӕвӕрдтам", — хъусын кӕны Калоты Виталийы ныхӕстӕ Фӕндзӕм канал.
Калоты Виталийӕн 2002 азы йӕ бинонтӕ — йе 'мкъай ӕмӕ дыууӕ сабийы бабын сты авиакатастрофӕйы Бодены цады сӕрмӕ. Дыууӕ азы фӕстӕ уый амардта катастрофӕйы азымджыны — диспетчер Питер Нильсены ӕмӕ уый тыххӕй цыппар азы фӕбадт Швейцарийы ахӕстоны. 2008 азы йӕ ӕмгъуыдӕй раздӕр ссӕрибар кодтой. Уый фӕстӕ йӕ райгуырӕн бӕстӕ — Цӕгат Ирыстоны нысан ӕрцыд арӕзтады министры хӕдивӕгӕй.
