ЦХИНВАЛ, 26 дек - Sputnik. Хуссар Ирыстоны столицӕйы киноконцертон зал "Чермен"-ы ӕртыццӕджы фехъусын кодтой "Афӕдзы ӕвзонг адӕймаг" конкурсы фӕстиуджытӕ.
20 номинацийы уӕлахиздзауты хорзӕхджын кодтой республикӕйы сфӕлдыстадон къордты хайадистӕй. Сценӕйыл ралӕууыдысты Колыты Аксойы номыл Аивӕдты лицейы музыкалон къорд "Гипс" ӕмӕ националон кафджыты ансамбль "Ирон".
Номинанты ӕвзӕрстой ахӕм категориты, куыд "ахуыргӕнӕг", "дипломат", "аразӕг", "активист", "журналист" ӕмӕ ӕндӕрты.
Преми "Афӕдзы журналист" райста информацион агентад Sputnik Хуссар Ирыстоны уацхӕссӕг Гӕбӕраты Ян.
"Мӕн фӕнды адих кӕнын ацы хорзӕх нӕ бӕстӕйы журналисттимӕ иууылдӕр, кӕцытӕ хайад исынц нӕ иумӕйаг куысты. Махӕн ис иу информацион фӕзуат, ӕмӕ кӕд нӕ куыст кӕнӕм цӕсгомджынӕй, уӕд иууылдӕр стӕм афӕдзы журналисттӕ", - загъта Гӕбӕраты Ян.
Конкурс "Афӕдзы ӕвзонг адӕймаг" уагъд цӕуы фӕсивӕдон политикӕ, спорт ӕмӕ туризмы комитет ӕмӕ Уӕрӕсейаг зонад ӕмӕ культурӕйы центры хайадистӕй, афтӕ ма агентад Sputnik Хуссар Ирыстоны информацион ӕххуысы руаджы.
