ЦХИНВАЛ, 10 янв — Sputnik. Дзæуджыхъæуы цыппæрæмы æхсæв æрцыд зынгирвæзт фарастфатерон хæдзары Тамайты Владимиры уынгыл, хъусын кæны Цæгат Ирыстоны Уæлвæткон уавæрты министрады пресс-службæ.
Бæллæхы басыгъд æртæ фатеры.
Зынгирвæзты видео ныммыхуыр кодтой социалон хызæджы пайдагæнджытæ.
"Цауы тыххæй хъусинаг тагъд архайды службæтæм æрбацыд 01:34 сахатыл. Бæстыхаййæ фервæзын кодтой 30 адæймаджы, райсомы цыппары ʻрдæгмæ зынгирвæзт иуварс æрцыд", — дзырдæуы УУМ хъусинаджы.
Уагдоны банысан кодтой, зынгирвæзты рæстæджы зиан кæй не ʻрцыд. Специалисттæ сгарынц бæллæхы аххосæгтæ.
