ЦХИНВАЛ, 11 янв - Sputnik. Хуссар Ирыстоны æфсæддон комиссариаттæ балхынцъ кодтой æмбæстæгты æфсæддон службæмæ æрсидт, хъусын кæны республикæйы Хъахъхъæнынады министрады пресс-службæ.
"Ӕфсæддон дохтырты басгæрсты фæстæ тагъд службæйы солдаттæ ацыдысты ротæмæ, Хъахъхъæнынады министрады фæлтæрд офицерты дæлбармæ", - дзырдæуы хъусинаджы.
Мæйы дæргъы сидтонтæ ахуыр кæндзысты райдайæн æфсæддон цæттæдзинад æвзонг хæцæджы нывæзтмæ гæсгæ.
Цæудзысты æхсын æмæ рæнхъы лæууыны ахуыртæ – сидтонтæн бацамондзысты хæцæнгарз æмæ æнæ уымæй архайын, йæ райхалын æмæ йæ сæмбырд кæнын.
"Ӕфсæддон горæты территорийыл сидтонтæн арæзт æрцыдысты иттæг хорз уавæртæ, ифтонг сты хæлцы æппæт хуызтæй", - бафтыдтой уагдоны.
Сидтонтæ æфсæддон цæттæдзинад рацæуыны фæстæ райсдзысты ардхæрд æмæ сæ арвитдзысты хицæн ахуыргæнæн ротæмæ.
