ЦХИНВАЛ, 15 янв - Sputnik. Ирыстойнаг богалтæ Цæболты Хетик æмæ Байцаты Владислав хайад райсдзысты Хъæбысхæсты клубон лигæйы (PWL) Индийы, хъусын кæны Цæгат Ирыстоны спорты министрады пресс-службæ.
"Ерысты хайад райсдзысты æхсæз командæйы кæцыты скондмæ бацыдысты æртæ уæрæсейаг спортсмены. Индийы тох кæндзысты дунейы чемпион Цæболты Хетик - Delhi Sultans-ы сконды, Европæйы чемпион Байцаты Владислав æмæ Европæйы фыццагады уæлахиздзау Ибрагим Ильясов - Mumbai Maharathi-йы сконды", - дзырдæуы хъусинаджы.
Ерыстæ уагъд цæудзысты фараст уæзы категорийы, уыдонæй цыппары хайад райсдзысты чызджытæ дæр.
Индиаг лигæйы финал ацæудзæн 31 январы.
