ЦХИНВАЛ, 17 янв - Sputnik. Транскавказы автомагистралыл 2019 азы январы ʻрцыд 93 зæйы, уыдонæй 39 фæкодтой æхсгæ, хъусын кæны Цæгат Ирыстоны УУМ пресс-службæ.
Фæндаджы 24-километрон фадыгыл ис 234 зæйцæуæн бынаты. Январы 56-æм зæйрацæуæн бынатæй ʻрцыд 6 мин кубометр бæрц миты, кæцы сæхгæдта фæндаджы уæлцъары 80 метры бæрц.
"Ацы зæй уыд иууыл гуырахстджындæр зæйцæуæн сезонæй – 2018 азы ноябрæй. Ӕдæппæт та ацы рæстæгæй ʻрцыд 200 зæйы бæрц", - дзырдæуы хъусинаджы.
УУМ ма бафтыдтой, ирвæзынгæнджытæ æмæ фæндагон службæты хорз куысты фæрцы зæйты рацыды уды зиæнттæ неʻрцыд.
Хуссар Ирыстон æмæ Уæрæсейы ʻхсæн иунæг фæндаг у нырма дæр æхгæд зæйтæ æмæ митуарды аххосæй.
Фæндагон змæлд ам тобæгонд у 15 январæй фæстæмæ.
