ЦХИНВАЛ, 18 янв — Sputnik. Хуссар Ирыстоны кæцыдæр районтæ фæцух уыдзысты электроифтонгадæй сабаты, фехъусын кодта Sputnik Паддзахадон унитарон куыстуат "Энергоресурс"-ы директоры хæдивæг Гæбæраты Анатолий.
Уагдоны загътой, рухсы ахицæн баст кæй у цалцæггæнæн куыстытимæ дæлстанц "Цхинвал-1"-ыл.
"Дæлстанцыл "Цхинвал-1" цалцæггæнæн куысты аххосæй сабаты, 19 январы электроифтонгад æруромдзысты 11.00 сахатæй 12.00-мæ Ленингоры районы æмæ Дменис æмæ Громы хъæууон администрациты, рухс нæ уыдзæн 11.00 сахатæй 15.00-мæ Знауры районы", - банысан кодта Гæбæраты Анатолий.
Электроэнерги Хуссар Ирмæ цæуы Уæрæсейæ 110 КВт хахх "Зæрæмæг- Цæгаттаг портал-Дзау"-ыл.
