ЦХИНВАЛ, 18 янв — Sputnik, Плиты Фатимæ. Транскамы автомагистралыл, Чъехы зæронд хидмæ хæстæг, ракалд къæдзæх. Цау æрцыд майрæмбоны 16.05 сахатыл, фехъусын кодтой Sputnik УУМ пресс-службæйы.
"Цхинвал-Гуфтайы трассæйыл, Чъехы зæронд хидмæ хæстæг, ракалд къæдзæх. Фæндагмæ цы дуртæ ркалд, уыдон бахъыгдардтой рог хæдтулгæйы. Йæ шофыр цæфтимæ бахауд рынчындонмæ", - загъта уагдоны пресс-секретарь.
Уагдоны банысан кодтой, ныридæгæн æмбæлон службæтæ сты бынаты, сгарынц цау.
Транскамыл ракалд къæдзæх
© МЧС РЮО
