Транскамы уавæр: дарддæр цæуынц фæндаг сыгъдæггæнæн куыстытæ

© Пресс-служба МЧС РЮО Транскам
Транскам - Sputnik Хуссар Ирыстон
Рафыссын
Хуссар Ир дунеимæ иугæнæг фæндаг æхгæд у ныр æстæм бон

ЦХИНВАЛ, 22 янв - Sputnik. Транскавказаг автомагистралыл сыгъдæггæнæн куыстытæ цæуынц æхсæвæй бонæй, хъусын кæны Хуссар Ирыстоны Уæлвæткон уавæрты министрады пресс-службæ.

© Пресс-служба МЧС РЮО Транскам
Транскамы уавæр: дарддæр цæуынц фæндаг сыгъдæггæнæн куыстытæ - Sputnik Хуссар Ирыстон
Транскам

Транскам æхгæн у ныр æстæм бон. Азы райдайæнæй фæндаг сæхгæдтой цыппæрæм хатт стыр митуард æмæ зæйты æрцыды тыххæй.

"Абон дæр та фæндагон æмæ зæйты ныхмæ службæтæ адарддæр кодтой трассæ сыгъдæг кæнын. Зæйты æхсын æмæ фæдаг сыгъдæг кæнын æруромынц æрмæстдæр цалдæр сахатмæ æхсæвы. Сæ бон цы у, уый архайынц, цæмæй трассæ куыд тагъддæр байгом уа", - банысан кодтой УУМ.

Уагдоны ма бафтыдтой, куыст кæй зын кæны дæсгай зæйты æрцыд æмæ тынг бирæ мит фæндаджы уæлцъарыл.

© Пресс-служба МЧС РЮОТранскам
Транскамы уавæр: дарддæр цæуынц фæндаг сыгъдæггæнæн куыстытæ - Sputnik Хуссар Ирыстон
Транскам

УУМ фехъусын кодтой, Транскамы хуссайраг фарс сыгъдæг кæй у митæй.

Ног хабӕртты лентӕ
0