Низӕфхӕрд сабитӕн Цхинвалы бакӕндзысты коррекцион кълас

© Sputnik / Ян ГабараевЦхуырбаты Татьяна
Цхуырбаты Татьяна - Sputnik Хуссар Ирыстон
Бафыссын
Yandex newsTelegram
Коррекцион кълас кусдзӕн хӕрзаудӕн фонд "Лӕвар базырты" бындурыл

ЦХИНВАЛ, 23 янв — Sputnik, Козаты Диана. Сӕ райрӕзтимӕ проблемӕтӕ цы сывӕллӕттӕн ис, уыдонӕн февралы райдайӕны Цхинвалы бакӕндзысты коррекцион кълас хӕрзаудӕн фонд "Лӕвар базырты" бындурыл. Уый тыххӕй Sputnik фехъусын кодта организацийы къухдариуӕггӕнӕг Цхуырбаты Татьяна.

Благотворительный фонд Подари крылья - Sputnik Хуссар Ирыстон
"Лӕвар базырты" радзырдтой, куыд ӕрӕмбырд кодтой фӕрӕзтӕ рынчын чызгӕн

"Цхинвалы ма иу ахӕм кълас кусы ӕнтыстджынӕй скъола-интернаты бындурыл, фӕлӕ, уымӕ ӕнӕкӕсгӕйӕ, нӕ фондмӕ цыд бирӕ куырдиӕттӕ ныййарджытӕй бакӕнын сӕрмагонд кълас, сӕ райрӕзтимӕ проблемӕтӕ цы сывӕллӕттӕн ис, уыдонӕн, сӕйраджыдӕр, Дауны синдром ӕмӕ аутизмимӕ сабитӕн", - загъта уый.

Къласон хатӕн ӕмӕ улӕфӕн зонӕ ныридӕгӕн ифтонг сты ӕнӕмӕнгхъӕуӕг дзауматӕй хӕрзаудӕн фонды офисы.

"Фыццаг рӕстӕджыты уал кълас уыдзӕн нӕ фонды офисы. Сывӕллӕттимӕ кусдзӕн квалификацион психолог сӕрмагонд методикӕимӕ. Ахуыр фыццаг цӕудзысты индивидуалонӕй, стӕй сӕ ныддихтӕ кӕндзыстӕм къордтыл", - загъта фонды къухдариуӕггӕнӕг.

© Sputnik / Наталья БосиковаКоррекцион къласы хатӕн
Низӕфхӕрд сабитӕн Цхинвалы бакӕндзысты коррекцион кълас - Sputnik Хуссар Ирыстон
Коррекцион къласы хатӕн

Цхуырбаты Татьяна загъта бузныг фонды спонсортӕн ӕмӕ банысан кодта, сабиты коррекцион къласмӕ ӕрбакӕныны фадат кӕй ис алкӕмӕн дӕр.

Ног хабӕртты лентӕ
0