Ирон богал стох кæндзæн Европæйы ерысты

Бафыссын
Yandex newsTelegram
Уæрæсейы æмбырдгонды сконды 92 кг онг уæзы архайдзæн Цæкулаты Батырбег

ЦХИНВАЛ, 7 фев — Sputnik. Ирон богал Цæкулаты Батырбег архайдзæн Европæйы ерысты 23 азы онг кары спортсменты хсæн, хъусын кæны Уæрæсейы хъæбысхæсты федерацийы сайт бæстæйы æмбырдон командæйы хистæр тренер Мæргъиты Анатолийы ныхæстыл æнцойгæнгæйæ.

Турниры размæ 17 февралæй командæ суанг ерыстæм цæудзæн ахуыртæ Адлеры.

Цхинвайлаг богал Бестауты Андрей рамбылдта Цæгат Иры чемпионат - Sputnik Хуссар Ирыстон
Цхинвайлаг богал Бестауты Андрей рамбылдта Цæгат Иры чемпионат

"Турнирмæ командæйы сконд сбæрæг кæнын тынг зын у. Бæлвырдгонд чи нæу, уыцы уæзтæ бирæ сты, балцы ацæуынмæ та хъавынц æртыгай, науæд та фылдæр спортсмены. Ныр уал фидарæй зæгъæн ис фондз спортсмены тыххæй: 61 кг онг уæзы категорийы Нови-Садмæ ацæудзæн Абасгаджи Магомедов, 70 кг онг уæзы категорийы — Разамбек Жамалов, 74 кг онг уæзы категорийы — Никита Сучков, 92 кг онг — Цæкулаты Батырбег, 97 кг онг — Шамиль Мусаев", - загъта Мæргъиты Анатолий.

Уый ма банысан кодта, иннæ кандидатурæтæ кæй бæрæг кæндзысты æмбырдон цæттæкæныны рæстæджы.

Европæйы фыццагад 23 азы кары спортсменты онг ацæудзæн4-10 марты Нови-Сады (Серби).

Ног хабӕртты лентӕ
0