ЦХИНВАЛ, 14 фев - Sputnik. Мидхъуыддӕгты министр, милицийы инӕлар-майор Наниты Игорь ауагъта оперативон рабадт уагдоны къухдариуӕгадимӕ, кӕцыйы рӕстӕджы радта ног фӕдзӕхсттӕ, хъусын кӕны уагдоны пресс-службӕ.
Фыццаджыдӕр, Наниты Игорь ӕрсидт кусджытӕм, цӕмӕй бамбарой, мыздтӕ рӕгмӕ кӕй дӕттынц, уый министрады аххос кӕй нӕу.
Афтӕ ма уагдоны сӕргълӕууӕг радта фӕдзӕхсттӕ столицӕйы мидхъуыддӕгты хайадты хистӕртӕн, цӕмӕй ауадзой рейдон мадзӕлттӕ базарадон объекттыл ӕмӕ сбӕрӕг кӕной пиротехникон продукци.
Ноджы ма рабадты рӕстӕджы ӕрдзырдтой КРВИ ӕмӕ гриппы профилактикӕ ӕмӕ диагностикӕйыл – уагдоны кусджыты ӕхсӕн ауадздзысты гриппы ныхмӕ мадзӕлттӕ.
Афтӕ ма министр радта фӕдзӕхст сбӕрӕг кӕнын Мидхъуыддӕгты министрады кусджыты, кӕцытӕ кусынц цалдӕр бынаты.
