ЦХИНВАЛ, 20 фев - Sputnik. Стыр Фыдыбӕстӕйон хӕсты ветеран Джергаты Виссарион райста зӕрдылдарӕн нысан "Сталинграды тохыл 75 азы сӕххӕсты цытӕн" Волгограды областы губернатор Андрей Бочаровӕй. Тохты хайадисӕгӕн хорзӕх радта Хуссар Ирыстоны президент Бибылты Анатолий, хъусын кӕны республикӕйы сӕргълӕууӕджы пресс-службӕ.
Бибылты Анатолий раарфӕ кодта Джергаты Виссарионӕн ӕмӕ банысан кодта Сталинграды тохы хайадисӕджы хайбавӕрд Стыр Уӕлахизмӕ.
"Стыр бузныг Дын дӕ сгуыхтдзинӕдты тыххӕй, кӕцытӕ Ды сӕххӕст кодтой дӕ Фыдыбӕстӕйы ирд фидӕны тыххӕй. Мӕ цӕст Дын уарзы ӕнӕниздзинад ӕмӕ хӕрзӕбон", - загъта Бибылты Анатолий.
Ирӕтты ӕхсӕнадон организаци "Алани"-йы сӕргълӕууӕджы хӕдивӕг Багаты Геннадий дӕр бафарста Андрей Бочаровӕй арфӕйы тел.
"Сталинграды хъахъхъӕнджыты сгуытдзинӕдтӕ ӕнустӕм фыст сты Стыр Уӕлахизы историйы ӕмӕ ӕвдисынц советон адӕмы хъӕбатырдзинад. Сталинграды Уӕлахиз равдыста йӕ хъахъхъӕнджыты хъӕбатырдзинад ӕмӕ намыс", - дзырдӕуы Волгограды областы губернаторы арфӕйы телы.
Сталинграды тох уыд фæсæттæн Стыр Фыдыбæстæйон хæсты æмæ уыд иууыл тугкалæндæр адæймагады историйы: уым бабын сты æрдæгмилуан советон æфсæддонæй фылдæр. Ацы тохы райстой хайад 5 минæй фылдæр ирæттæ.
