ЦХИНВАЛ, 25 фев — Sputnik. Спортсмен Ирыстонӕй Толасты Владимир рамбылдта Европӕйы фыццагады сыгъзӕрин майдан шпагӕйӕ кадетты ӕхсӕн, хъусын кӕны Уӕрӕсейы фехтованийы федерацийы пресс-службӕ.
Турнир райдыдта италиаг Фоджайы 22 февралы ӕмӕ у сезоны иууыл ахсджиагдӕртӕй иу.
"Сыгъзӕрин майданыл тохы Толасты Владимир рамбылдта йӕ ныхмӕлӕууӕджы Венгрийӕ Левента Барткойы. Афтӕмӕй, ирон спортсмен байгом кодта уӕрӕсейаг уӕлахиздзауты номхыгъд", - дзырдӕуы хъусинаджы.
Спортсмены ерыстӕм цӕттӕ кодтой тренертӕ Дзудцаты Станислав ӕмӕ Моргуаты Всеслав.
