ЦХИНВАЛ, 25 фев - Sputnik. Уӕрӕсейы аивӕдты академийы ацӕудзӕн Калманты Аланӕ, Калманты Мадинӕ ӕмӕ Дзанӕгаты Зауырбеджы куыстыты равдыст, хъусын кӕны академийы информацийы хайад.
Экспозицийы, кӕцы уагъд цӕудзӕн ацы аз 13-31 марты, равдисдзысты Цӕгат Ирыстоны мастерты 40 куысты.
"Нывгӕнджытӕн бантыст раргом кӕнын националон культурӕйы сурӕтджын ӕвзаг", - дзырдӕуы хъусинаджы.
Нывгӕнджытӕ иууылдӕр райстой академикон ахуырад Мӕскуы ӕмӕ Санкт-Петербурджы аивадон ахуыргӕнӕндӕтты ӕмӕ ссардтой сӕхи сӕрмагонд стиль аивады.
