ЦХИНВАЛ, 26 фев — Sputnik, Плиты Фатимӕ. Цхинвалы раздӕры кинотеатр "Ирыстон"-ы бынаты горӕты администрацийы тыхтӕй арӕзт ӕрцӕудзӕн улӕфӕн зонӕ. Ныридӕгӕн фидӕны скверы территори цӕуы ӕфснайд, фехъусын кодтой Sputnik сӕйраг сахары администрацийы пресс-службӕйы.
Бӕстыхай ахафтой 2008 азы хӕсты фӕстӕ ӕндидзынкӕнӕн куыстыты рӕстӕджы.
"Кинотеатр "Ирыстон"-ы бынат ныридӕгӕн горӕты администрацийы сӕрмагон службӕтӕ сыгъдӕг кӕнынц быронӕй. Фӕстӕдӕр ацы территорийыл фӕзындзӕн хӕрзарӕст сквер бандӕттимӕ", - загътой уагдоны пресс-службӕйы.
Кинотеатр "Ирыстон"-ы куыст ныннымӕг ис Советтон цӕдисы ныппырхы фӕстӕ, уый уыд киноконцертон зал "Чермен"-ы фӕстӕ иууыл стырдӕр Республикӕйы.
