ЦХИНВАЛ, 27 фев — Sputnik. Цӕгат Ирыстоны горӕтгӕрон районы хъӕу Михайловскæйы ссыгъд шинæты ӕмӕ резинæтехникон ӕрмӕджыты рацарӕзты завод, хъусын кӕны 15-ӕм Регион цауы ӕвдисӕнты ныхӕстыл ӕнцойгӕнгӕйӕ.
Зынгирвӕзт ӕрцыд 15:04 сахатыл.
Развӕлгъау бӕрӕггӕнӕнтӕм гӕсгӕ, судзынц покрышкӕтӕ гом тыгъдады. Зынгирвӕзты фӕзуат у 100 квадратон метры бӕрц.
Зынгирвӕзт заводы фӕстаг ӕрдӕг аз ӕрцыд дыккаг хатт. 21 октябры 2018 азы уый фыццаг хатт фӕцис зынджы амӕттаг.
