ЦХИНВАЛ, 5 мар – Sputnik. Хуссар Ирыстоны барадхъахъхъӕнӕг органты кусджытӕ сбӕрӕг кодтой дыууӕ фыдракӕнды ивгъуыд къуыри, хъусын кӕны Мидхъуыддӕгты министрады (МХМ) пресс-службӕ.
Амӕйразмӕ фехъусын кодтой, 26 февралы Цхинвалы районы Хелчуайы хъӕуы кӕй сӕххӕст кодтой бабырст. 67-аздзыд бынæттон цæрæджы хæдзармæ бахызт æбæрæг гоймаг сау маскæйы, байста хæдзары хицауæй æхцайы фæрæзтæ æмæ фæтары ис цауы бынатæй. Ацы фыдракӕндмӕ зӕрдӕ ӕхсайыны фӕдыл ӕрцахстой Хелчуайы хъæуы 24-аздзыд цæрæджы.
Афтӕ ма ивгъуыд къуыри уголовон агуырды оперативон кусджытӕ ӕрцахстой Цхинвалы 42-аздзыд цӕрӕджы, кӕцымӕ зӕрдӕ ӕхсайдта Знауыры районы Убиаты хъӕуы хӕдзарӕй адавынмӕ.
МХМ информацимӕ гӕсгӕ, республикӕйы фӕндӕгтыл ивгъуыд къуыри ӕрцыд цыппар фӕндагон-транспортон цауы. Буары цӕфтӕ райстой ӕхсӕз адӕймаджы.
Паддзахадон автоинспекцийы кусджытӕ рейдон мадзӕлтты рӕстӕджы сбӕрӕг кодтой фӕндагон змӕлды 255 фӕткхалды. Аст шофыры скъӕрдтой хӕдтулгӕтӕ нозтджынӕй.
