ЦХИНВАЛ, 6 мар – Sputnik, Козаты Диана. Уӕрӕсейаг зонад ӕмӕ культурӕйы центр Хуссар Ирыстоны фехъусын кодта "Зыниртасӕн космос" конкурсы райдайӕны тыххӕй, фехъусын кодта Sputnik пресс-центры уӕрӕсейаг зонад ӕмӕ культурӕйы центры минӕварады сӕргълӕууӕг Хуссар Ирыстоны Сергей Скворцов.
Конкурс расидтысты Юрий Гагарины райгуырдыл 85 азы сӕххӕсты цытӕн. Конкурс уагъд цӕуы республикӕйы культурӕйы министрадимӕ иумӕ агентад Sputnik Хуссар Ирыстоны информацион ӕххуысы руаджы.
"Ацы конкурсы нысаниуӕг у ӕрбаздӕхын Хуссар Ирыстоны цӕрджыты, сӕйраджыдӕр, фӕсивӕды интерес уӕрӕсейаг культурӕ, зонад ӕмӕ космосмӕ", - банысан кодта Скворцов.
Конкурсы хайадисджыты ахицӕн кодтой дыууӕ кары категорийыл – 11-14 азы ӕмӕ 15-17 азы. Организаторты ныхӕстӕм гӕсгӕ, уый ратдзӕн сывӕллӕттӕн фадат равдисын сӕ курдиат ӕмхуызон уавӕрты.
Скворцов бахахх кодта, сывӕллӕттӕн сӕ бон кӕй у равзарын алы хуызы ныв кӕнын дӕр. Хайадисджыты куыстытӕн аргъ кӕндзӕн жюри, кӕцыйы скондмӕ бахиздзысты республикӕйы аивадон скъолаты ахуыргӕнджытӕ ӕмӕ нывгӕнджыты Цӕдисы уӕнгтӕ.
Иууыл хуыздӕр куыстытӕ ныммыхуыр кӕндзысты Sputnik Хуссар Ирыстоны сайтыл, цӕрджытӕн фадат уыдзӕн хайад райсын онлайн-хъӕлӕсӕппӕрсты руаджы.
![Пресс-конференци: Сергей Скворцов ӕмӕ Виталий Раднаев Пресс-конференци: Сергей Скворцов ӕмӕ Виталий Раднаев - Sputnik Хуссар Ирыстон](https://cdnn1.img.sputnik-ossetia.ru/img/823/14/8231490_0:61:3000:1947_600x0_80_0_0_fea3736ca0fc6cff0c67603baedc286e.jpg)
![Пресс-конференци: Сергей Скворцов ӕмӕ Виталий Раднаев Пресс-конференци: Сергей Скворцов ӕмӕ Виталий Раднаев - Sputnik Хуссар Ирыстон](https://cdnn1.img.sputnik-ossetia.ru/img/823/16/8231664_0:10:3000:1896_600x0_80_0_0_14795fb9712e28c5e5b534736231f722.jpg)
![Пресс-конференци: Сергей Скворцов ӕмӕ Виталий Раднаев Пресс-конференци: Сергей Скворцов ӕмӕ Виталий Раднаев - Sputnik Хуссар Ирыстон](https://cdnn1.img.sputnik-ossetia.ru/img/823/15/8231551_0:0:3000:1886_600x0_80_0_0_c4868992db08dfadb63053ebb1321548.jpg)
Афтӕ ма Россотрудничествойы сӕргълӕууӕг бафтыдта, конкурсы уӕлахиздзаутӕн фадат кӕй уыдзӕн ацӕуын балцы "Здравствуй, Россия!" программӕйы фӕлгӕтты.
Sputnik Хуссар Ирыстоны разамонӕг Виталий Раднаевы ныхӕстӕм гӕсгӕ, ахӕм конкурстӕн ис ахсджиаг нысаниуӕг, уый тыххӕй ӕмӕ ӕххуыс кӕнынц сывӕллӕтты патриотикон хъомыладӕн.