Цхинвалы донифтонгад сцалцӕг кӕндзысты цыппӕрӕмы изӕрмӕ

© Sputnik / Константин Чалабов / Ахизын фотобанкмӕЦхинвалы донифтонгад сцалцӕг кӕндзысты цыппӕрӕмы изӕрмӕ
Цхинвалы донифтонгад сцалцӕг кӕндзысты цыппӕрӕмы изӕрмӕ - Sputnik Хуссар Ирыстон
Бафыссын
Yandex newsTelegram
Рӕстӕгмӕ цухдзинад баст у доны хӕтӕл кӕй счъизи ис, ууыл

ЦХИНВАЛ, 7 мар - Sputnik, Козаты Диана. Хуссар Ирыстоны столицӕйы донифтонгад, кӕцы фехӕлд абон райсом, сцалцӕг кӕндзысты цыппӕрӕмы изӕрмӕ, загътой Цхинвалы мэрийы пресс-службӕйы.

Бибылты Анатолий федта ног доны хӕтӕл Уанат-Цхинвалы арӕзтады бынат - Sputnik Хуссар Ирыстон
Цхинвалы донифтонгадӕн Хуссар Иры сараздзысты ног хӕтӕл

Знон изӕр сӕхгӕдтой доны хӕтӕлтӕй иу чъизийы тыххӕй.

"Доны хӕтӕл Брытъат тынг счъизи ис, ӕмӕ йӕ уый фӕдыл аскъуыддзаг кодтам сӕхгӕнын, цӕмӕй горӕтмӕ чъизи дон ма цӕуа. Горӕты резервуартӕ нӕ байдзаг сты ӕмӕ фӕзынд доны цухдзинад", - банысан кодтой мэрийы.

Ахӕм проблемӕтыл Цхинвалы цӕрджытӕ сӕмбӕлынц алкӕцы уалдзӕг дӕр. Цхинвал донæй ифтонг цæуы доны хæтæл Едыс–Цхинвалæй. Ацы магистралон хахмæ дон цæуы цыппар къалиуæй, уыдонæй дыууæ — Дзомагъ æмæ Брытъат — сты гом. Баиу сæ кæнынц зымæгон рæстæг, цъититæ куы ныссæлынц æмæ зæххы бын уый бæрц куы нал вæййы дон. Фæлæ уалдзæджы донивылдты рæстæджы уыдон сызмæнтынц æмæ сæ бахъæуы ахицæн кæнын.

Ацы аз республикӕйы нывӕндынц саразын ноджы иу доны хӕтӕл – Уанат – Цхинвал, кӕцы аиуварс кӕндзӕн горӕты цӕрджыты проблемӕтӕ.

Ног хабӕртты лентӕ
0