ЦХИНВАЛ, 11 мар – Sputnik, Плиты Фатимӕ. Зӕрӕггӕнӕг Харебаты Марта рамбылдта ӕхсӕнадӕмон фестиваль "Зарӕг"-ы Гран-при эстрадон-джазон вокал номинацийы. Цхинвайлаг вокалист сӕххӕст кодта дыууӕ композици, уыдонӕй зарӕг "Hatural boy"-ы тыххӕй райста бӕрзонд хорзӕх.
Вокалон конкурс цыд дыууӕ хаххыл – эстрадон вокал ӕмӕ этно-вокал. Зарӕггӕнджытӕ дих уыдысты кӕстӕр (19-24 азы) ӕмӕ хистӕр (25-31 азы) къордтыл.
"Харебаты Марта архайдта дыууӕ номинацийы дӕр. Эстрадон-джазон вокалы номинацийы уый схайджын кодтой Гран-прийӕ англисаг ӕвзагыл зарӕг "Hatural boy"-ы тыххӕй". Знон Мартайӕн уыд йӕ райгуырӕн бон ӕмӕ йӕхицӕн сарӕзта лӕвар йӕ 20-азмӕ. Архайдта ма этно-вокалы дӕр, уым та ралӕууыд "В горнице моей светло"-йы зӕрӕгимӕ", - загъта Sputnik зарӕггӕнӕджы ныййарӕг Жуйкова Наталья.
Культурон мадзалы архайдта 30 зарӕггӕнӕджы.
"Мадзалы спонсор студи "А8"-ӕй конкурс-фестивалы алкӕцы архайӕг дӕр райсдзӕн 20% фæхатыр, ӕртӕ адӕймаджы та райсдзысты 50 % хатыр, уӕлахиздзаутӕ та ӕнӕргъӕй ныффысдзысты зарӕг. Гран-прийы хицау канд зарӕг нӕ ныффыссдзӕн фӕлӕ ма йын уыдзӕн ротаци радиойы эфиры", - загъта конкурсы организатортӕй иу Дарья Саутион.
