ЦХИНВАЛ, 12 мар – Sputnik, Плиты Фатимӕ. Фӕсивӕдон политикӕ, спорт ӕмӕ туризмы комитет хоны ӕрыгон богалты уӕгъдибар хъӕбысӕйхӕстӕй республикӕйы фыццагадмӕ. Спортивон мадзал ацӕудзӕн хуыцаубоны, 17 марты, фехъусын кодтой Sputnik комитеты пресс-службӕйы.
Бон раздӕр турниры архайджытӕ дих рцӕудзысты уӕзы категоритыл, барыны церемони цӕудзӕн Спорты скъолайы, ерыстӕ та спорты галуан "Олимп"-ы.
"Фыццагады стох кӕндзысты 2003-2004 ӕзты ӕмӕ 2005-2006 ӕзты гуырд фӕсивӕд. Ерысты богалтӕ дих ӕрцӕудзысты 25 уӕзы категорийыл. Турниры нысӕнттӕ сты Хуссар Ирыстоны ӕмбырдгонд командӕ сфидар кӕнын, стӕй ма тыхджындӕр спортсменты рабӕрӕг кӕнын ӕмӕ хъæбысæйхæсты размӕцыд ", - загътой уагдоны пресс-службӕйы.
Ерыстӕ арӕзт цӕуынц Фӕсивӕдон политикӕ, спорт ӕмӕ туризмы комитеты хъӕппӕрисӕй Хуссар Ирыстоны спортивон хъӕбысӕйхӕсты федерацийы ӕмархайдӕй.
