ЦХИНВАЛ, 12 мар - Sputnik. 2019 азы райдайӕнӕй фӕстӕмӕ Уӕлбар кредиткӕнынады фонды советмӕ бацыд кредит райсыны фӕдыл 90 куырдиат, хъусын кӕны Хуссар Ирыстоны хицауады пресс-службӕ.
Советы рабадты рӕстӕджы банысан кодтой, сӕйраджыдӕр кӕй ӕркӕсынц хъӕууон хӕдзарады фадыджы проекттӕм – 14 куырдиатӕй хорзыл банымадтой 11, иннӕтӕм нырма хъӕуы ӕркӕсын.
Советы сӕргълӕууӕг, экономикон райрӕзты министрады социалон-экономикон нывӕзтытӕ аразыны хайады хистӕр Бибылты Нонна банысан кодта, проекттӕ иууылдӕр лӕмбынӕг кӕй басгарынц.
"Мах басгарӕм бизнес-проекттӕ иууылдӕр. Советы хӕслӕвӕрд у хъус дарын уӕлбар кредитты фӕрӕзтӕй пайда кӕнынмӕ", - загъта Бибылты Нонна.
Афтӕ ма бизнес-проекттӕм хъӕуы хъус дарын сӕ реализацийы алкӕцы этапыл дӕр, цӕмӕй сӕххӕст кӕной кредиттӕ фӕстӕмӕ раздӕхыны механизмтӕ, банысан кодтой рабадтыл.
