Бакӕсынмӕ: Хуссар Иры боксерты кӕстӕр фӕлтӕр цӕуынц европӕйаг ерыстӕм

© Sputnik / Наталья АйриянХуссар Иры боксерты кӕстӕр фӕлтӕр цӕуынц европӕйаг ерыстӕм
Хуссар Иры боксерты кӕстӕр фӕлтӕр цӕуынц европӕйаг ерыстӕм - Sputnik Хуссар Ирыстон
Рафыссын
Гуырахстджын спортивон мадзал фендзысты хицӕн ӕмвӕзады ерысты призертӕ ӕмӕ уӕлахиздзаутӕ

ЦХИНВАЛ, 13 мар — Sputnik, Плиты Фатимӕ. Хуссар Ирыстоны сывæллæтты æмæ æрыгæтты боксы скъолайы хъомылгӕнинӕгтӕ 18 ацӕудзысты Дзӕуджыхъӕуы уагъдцӕуӕг Европæйы ерыстæм боксæй. Континенты сӕйраг мадзалы финал боксы хаххыл феныны фадат райстой ӕнтыстджындӕр ӕрыгон боксертӕ, фехъусын кодта Sputnik скъолайы директоры хӕдивӕг Кокойты Ирбег.

Ацы аз Европæйы ерыстæ боксæй ӕрфысым кодта Дзӕуджыхъӕу. Спорты галуан "Манеж"-ы дыууæ ринджы сæ тыхтæ æвзарынц 40 бæстæйы боксертæ. Турниры стох кодта иунæг боксер Ирыстонӕй Абайты Алан.

"Боксерты кӕстӕр фӕлтӕрӕй 18 ӕнтыстджындӕрӕн боксæй Европӕйы ерыстæм бакӕсыны фадат балӕвар кӕныныл архайынц цалдӕр структурӕ. Спорты комитет архайы организатортимӕ бадзурын бынӕттыл, автотранспорты управлени ратдзӕн хӕдтулгӕ, президент аскъуыддзаг кӕндзӕн финансон фарст", - загъта Кокойты Ирбег.

Боксы скъола равзӕрста тыхджындӕрты - Sputnik Хуссар Ирыстон
Уӕйгуытӕ ӕмӕ джигиттӕ: Боксы скъола равзӕрста тыхджындӕрты

Йӕ ныхӕстӕм гӕсгӕ, сывӕллӕттӕн уый ратдзӕн ӕнӕкӕрон тых.

"Цӕгат Кавказы ахӕм стыр спортивон мадзал никуы ма ацыд. Фӕсивӕд фендзысты европӕйаг континенты хуыздӕр боксерты тохтӕ, уый сӕ сразӕнгард кӕндзӕн ног ӕнтыстытӕм. Стӕй ма иунӕг ирон боксер, Плиты Роберты хъомылгӕнинаг Абайты Алан нырма ӕмбулы, уый финалмӕ куы бахауа, уый та ӕцӕг бӕрӕгбон уыдзӕн", - бафтыдта уый.

Ног хабӕртты лентӕ
0