ЦХИНВАЛ, 13 мар - Sputnik. Цӕгат Ирыстоны нывӕндынц саразын сӕрмагонд экономикон зонӕ "Мамысон" Уӕрӕсейы хицауады фӕдзӕхстты фӕлгӕтты, хъусын кӕны РИА Новости министрады сӕргълӕууӕг Сергей Чеботаревы ныхӕстӕ.
"Экономикон райрӕзты министрад ӕмӕ финансты министрадимӕ иумӕ мах сараздзыстӕм Цӕгат Ирыстоны сӕрмагонд экономикон зонӕ "Мамысон" – ацы хъуыды хорзыл банымадта Уӕрӕсейы Федерацийы президент. Мах уынӕм ацы сӕрмагонд экономикон зонӕйы райрӕзты стыр перспективӕтӕ", - загъта Сергей Чеботарев.
2018 азы Уӕрӕсейы Федерацийы хицауады сӕрдар Дмитрий Медведев радта хӕслӕвӕрд саразын Цӕгат Кавказы регионты ӕрвылазон курорттӕ.
