ЦХИНВАЛ, 14 мар — Sputnik, Плиты Фатимӕ. Цхинвалы ацӕудзӕн Адӕмон инструментты оркестр "Айзæлд" ӕмӕ Паддзахадон ансамбль "Симд"-ы хоры гом концерт. Культурон мадзал суыдзӕн дыууӕ сфӕлдыстадон къордӕн сӕ фыццаг иумæйаг концерт ацы аз, фехъусын кодтой Sputnik культурӕйы министрады пресс-службӕйы.
"Мадзал уыдзӕн цыппӕрӕмы, 14 марты. Концерт цӕуы гом режимы, ӕнӕаргъӕй. Сценӕйы айзӕлдзысты ирон ӕмӕ фӕсарӕйнаг композиторы зарджытӕ", - загътой пресс-службӕ.
Адӕмон инструментты оркестр "Айзæлд" ӕмӕ Паддзахадон ансамбль "Симд"-ы хоры иумӕйаг гом концерт ацӕудзӕн Киноконцертон зал "Чермены".
Адæмон инструментты хуссарирыстойнаг оркестр "Айзæлд"-ӕн разамынад дӕтты Хуссар Иры сгуыхт артисткӕ Уалыты Нина.
