ЦХИНВАЛ, 18 мар - Sputnik. Хуссар Ирыстоны президент Бибылты Анатолий снысан кодта Ленингоры районы администрацийы сӕргълӕууӕгӕй Мамыттаты Виталийы, хъусын кӕны паддзахады сӕргълӕууӕджы пресс-службӕ.
Районы ног сӕргълӕууӕгимӕ фембӕлды рӕстӕджы Бибылты Анатолий бахахх кодта, йӕ хӕслӕвлӕвӕрд кӕй у, цӕмӕй Ленингоры районы цӕрджытӕ бамбарой, кӕй сты Хуссар Ирыстоны хай.
Бибылты Анатолий банысан кодта, инвестицион программӕйы фӕлгӕтты Ленингоры районы ныридӕгӕн кӕй сарӕзтой социалон объекттӕ, ацы аз сараздзысты фӕндагон инфраструктурӕ дӕр.
"Дӕуӕн ис партиотизм, хорз ахаст дӕ куыстмӕ ӕмӕ регионмӕ. Уырны мӕ, алцыдӕр дын кӕй рауайдзӕн", - загъта президент.
Мамыттаты Виталий загъта бузныг президентӕн ӕууӕнчы тыххӕй.
"Алкӕцы хӕслӕвӕрд дӕр гӕнӕн ис сӕххӕст кӕнын. Нӕ куыст ӕххӕст кӕндзыстӕм цӕсгомджынӕй", - бахахх кодта уый.
2018 азы декабрмӕ Ленингоры районы сӕргълӕууӕг уыд Хацырты Вилипп, кӕцыйы ссӕрибар кодтой йӕ бынатӕй президенты барамындӕй.
Биографион справкӕ
Мамыттаты Виталий Василийы фырт райгуырд 1986 азы Цхинвалы.
Фӕцис Хуссар Ирыстоны паддзахадон университеты юридикон факультет.
2008-2018 ӕзты уыд Хуссар Ирыстоны Мидхъуыддӕгты министрады кусӕг.
2018 азӕй 2019 азы мартмӕ уыд Ленингоры районы Уӕлвӕткон уавӕрты министрады зынгфӕдисон-ирвӕзынгӕнӕн хайады хистӕр.
Ис ын бинонтӕ, дыууӕ сывӕллоны.
