ЦХИНВАЛ, 19 мар - Sputnik. Республикӕ Хуссар Ирыстон ӕмӕ Уӕрӕсейы Федерацийы ӕхсӕн интеграци ӕмӕ хӕларады фӕдыл бадзырд у иууыл ахсджиагдӕр документтӕй иу, банысан кодта РХИ парламенты спикер Гасситы Петр.
Документ бӕрӕг кӕны бӕстӕты ӕхсӕн ахастыты дарддӕры райрӕзт, хъусын кӕны парламенты пресс-службӕ.
"Бадзырды статьятӕ иууылдӕр ӕххӕст цӕуынц. Ацы документы реализацийы фӕдыл куыст сӕххӕст кодтам 98 проценты. Цӕвиттонӕн, амӕйразмӕ райдыдта кусын Мидхъуыддӕгты министрады информацион-координацион центр. Афтӕ ма РХИ гарзджын тыхты хицӕн хайадтӕ бахызтысты уӕрӕсейаг ӕфсады скондмӕ, уый дӕр у бадзырды реализацийы руаджы", - загъта Гасситы Петр.
Гасситы Петр бафтыдта, республикӕйы президент Бибылты Анатолий гӕнӕн ис кӕй бахӕсса документмӕ пункттӕ, кӕцыты нӕ бахастой ӕхсӕнпаддзахадон бадзырдмӕ куы йӕ бафыстой 2015 азы, уӕд.
