ЦХИНВАЛ, 2 апр— Sputnik, Плиты Фатимӕ. Дзауы районы хъӕутӕй иу ифтонг ӕрцыд донӕй. Районы цӕрӕн-коммуналон хӕдзарады кусджытӕ иууылдӕр раивтой зӕронд доны хӕтӕлтӕ Танделаты хъӕумӕ, фехъусын кодтой Sputnik районы пресс-службӕйы.
Донифтонгады проблемӕ алыг кӕныны тыххӕй хъӕуы цӕрджытӕ бахатыдысты районы ног хистӕрмӕ.
"Ацы доны хахх уый бӕрц ӕфхӕрд уыд ӕмӕ цӕрӕн-коммуналон хӕдзарады кусджыты хъуыд уый ӕдзух цалцӕг кӕнын. Аскъуыддзаг кодтам хахх иууылдӕр раивын. Ныр сӕм дон цӕуы ӕнӕрлӕугӕйӕ", - хъусын кӕны районы разамонӕг Джиоты Андрейы ныхӕстӕ йӕ пресс-службӕ.
Ног хӕтӕлыл Тандӕлаты хъӕу ифтонг цӕуы донӕй Угӕрдӕнты хъӕуӕй.
© Sputnik / Пресс-служба Дзауского района Дзауы районы хъӕутӕй иу ифтонг ʻрцыд донӕй
![Дзауы районы хъӕутӕй иу ифтонг ʻрцыд донӕй Дзауы районы хъӕутӕй иу ифтонг ʻрцыд донӕй - Sputnik Хуссар Ирыстон](https://cdnn1.img.sputnik-ossetia.ru/img/836/31/8363126_0:0:1280:960_600x0_80_0_0_37404cf92d2d6742a481f0391c35bb2b.jpg)
Дзауы районы хъӕутӕй иу ифтонг ʻрцыд донӕй
© Sputnik / Пресс-служба Дзауского района