ЦХИНВАЛ, 12 апр - Sputnik. Хуссар Ирыстоны базарадон-сӕудӕджерадон палатӕйы минӕвӕрттӕ бафыстой ӕмгуыстады фӕдыл бадзырд цӕдисимӕ "Санкт-Петербурджы базарадон-сӕудӕджерадон палатӕ", хъусын кӕны РХИ минӕварады пресс-службӕ.
"Санкт-Петербурджы 12 апрелы Хуссар Ирыстоны базарадон-сӕудӕджерадон палатӕ бафыстой ӕмгуыстады фӕдыл бадзырд цӕдис "Санкт-Петербурджы базарадон-сӕудӕджерадон палатӕ"-имӕ бизнес-семинар "О преимуществах ведения бизнеса в РЮО"-йы фӕлгӕтты", - дзырдӕуы хъусинаджы.
Амӕйразмӕ Хуссар Ирыстоны делегаци ацыд Санкт-Петербургмӕ, цӕмӕй хайад райса мадзалы, кӕцы нывонд у республикӕйы инвестицион климат фӕхуыздӕр кӕнынӕн. Делегацийы сӕргъ лӕууы хицауады сӕрдары хӕдивӕг – экономикон райрӕзты министр Бекъойты Геннадий, йӕ скондмӕ бахызтысты экономикон райрӕзты министрад, паддзахадон таможнӕйон комитет, ӕнӕниздзинад хъахъхъӕнынады ӕмӕ ӕндӕр уагдӕтты минӕвӕрттӕ.
