ЦХИНВАЛ, 22 апр - Sputnik. Дӕргъвӕтин улӕфт бонтӕ ӕнхъӕлмӕ кӕсынц республикӕйы цӕрджытӕм 1-ӕй 5-ӕм маймӕ ӕмӕ 9-ӕй 12-ӕм маймӕ, фехъусын кодтой республикӕйы хицауады.
Бӕрӕгбонты ахӕссыны фӕдыл ӕххӕстгӕнӕг органы уынаффӕмӕ гӕсгӕ фӕндзӕм ӕмӕ ӕхсӕзӕм январы ӕнцойы бонтӕ рахастой дыккӕгӕм ӕмӕ ӕртыккӕгӕм маймӕ. Бӕрӕгбонон 23 февраль, кӕцы ӕрхауд сабатмӕ ахастой 10-ӕм маймӕ.
Уый хыгъд уалдзӕг ӕмӕ фӕллойы бонты тыххӕй улӕфдзысты фондз боны, Уӕлахизы боны цытӕн улӕфтытӕ та ахӕсдзысты цыппар боны.
