ЦХИНВАЛ, 24 апр — Sputnik, Плиты Фатимӕ. Хуссарирыстойнаг зарӕггӕнӕг Саппиаты Зӕлинӕ хайад райсдзӕн Стыр Фыдыбӕстӕйон хӕстӕн нывонд мадзалы Санкт-Петербурджы. Музыкант ралӕудзӕн хӕстон зарӕг "Где же вы теперь, друзья однополчане"-имӕ, фехъусын кодта Sputnik зарӕггӕнӕг йӕхӕдӕг.
Проект уӕлахиздзауты ӕхсӕнадӕмон форум "Великая Победа, добытая единством" цӕудзӕн Санкт-Петербурджы апрелы. Мадзалы нысан у Хӕдбар Паддзахадты Цӕдисы бӕстӕтыʻ хсӕн тауын гуманитарон ӕмгуыстад.
"Невайы былгӕрон горӕты цӕудзӕн Фыдыбӕстӕйон хӕстӕн нывонд мадзал. Ӕз сӕххӕст кӕндзӕн хӕстон зарӕг "Где же вы теперь, друзья однополчане", - загъта зарӕггӕнӕг.
Ӕрвылазон форум 2010 азӕй фӕстӕмӕ уагъд ӕрцыд Уӕрӕсейы горӕттӕ - Туапсе, Дзӕуджыхъӕу, Волгоград ӕмӕ Курскы. 2015 азы йӕ ӕрфысым кодта Мӕскуы. Кӕцыдӕр ӕзты ацыд фӕсарӕнты дӕр.
