ЦХИНВАЛ, 26 апр – Sputnik, Козаты Диана. Хуссар Ирыстоны централон ӕвзарӕн къамис (ЦӔК) цыппӕрӕмы фӕцис куырдиӕтты райст политикон партитӕ ӕмӕ мажоритаритӕй. Абонӕй фӕстӕмӕ ЦӔК райдыдта документты басгӕрст, кандидаттӕм сӕм фарстытӕ куы нӕ фӕзына, уӕд сӕ бауаддзысты агитаци кӕнынмӕ.
ЦӔК минӕвар Цхуырбаты Марина фехъусын кодта ПТРК "Ир" эфиры, цыппӕрӕмы 18.00 сахатмӕ политикон партитӕ иууылдӕр кӕй бадӕттой ӕнӕмӕнгхъӕугӕ документтӕ.
"Централон ӕвзарӕн къамис цыппӕрӕмы фӕцис куырдиӕтты райст политикон партитӕ ӕмӕ мажоритаритӕй. Иумӕйагӕй ЦӔК-мӕ бадӕттой документтӕ аст политикон партийы", - загъта уый.
Ныртӕккӕ централон ӕвзарӕн къамис хорзыл банымадта "Иугонд Ирыстон", Адӕмон Парти ӕмӕ Коммунистон партийы номхыгъдтӕ. Аннӕ партиты документтӕ нырма сты ӕркасты стадийыл.
Афтӕ ма ЦӔК минӕвар банысан кодта, къамисмӕ сӕ документтӕ кӕй бадӕттой 81 мажоритайы 81 мажоритарийы.
Радон парламентон æвзæрстытæ ацæудзысты 9 июны ног системӕмӕ гӕсгӕ: 34 депутатæн се 'мбис æвзæрст æрцæудзæн партион номхыгъдтæм гæсгæ, аннæ æрдæг та - иумандатон зылдтæм.
