ЦХИНВАЛ, 8 мая - Sputnik. Хуссар Ирыстоны официалон минӕварады сӕргълӕууӕг Днестыргӕроны Виталий Янковскийы схорзӕхджын кодтой Орденӕй "Сгуыхтдзинӕдты тыххӕй", хъусын кӕны республикӕйы Фӕсарӕйнаг хъуыддӕгты министрады (ФХМ) пресс-службӕ. Ахӕм барамынд бафыста Днестыргӕроны президент Вадим Красносельский.
Хъусинаджы дзырдӕуы, зӕгъгӕ, Янковскийы схорзӕхджын кодтой стыр профессионализм ӕмӕ хайбавӕрды тыххӕй Хуссар Ирыстон ӕмӕ Днестыргӕроны республикӕйы ӕхсӕн ӕмгуыстады рарӕйзтмӕ, афтӕ ма йӕ 50 азы юбилейы цытӕн.
Виталий Янковский у республикӕйы минӕварады сӕргълӕууӕг Днестыргӕроны 2017 азы апрелӕй фӕстӕмӕ. 2008 азы августӕй ноябрмӕ уыд Хуссар Ирыстоны, цы ран уыд Днестыргӕроны бархион аварийон-ирвӕзынгӕнӕн къорды командӕгӕнӕг.
